الريادة المجتمعية (أو الريادة الاجتماعية) هي الفكرة المبتكرة التي تعالج قضية اجتماعية وتكون هذه القضية قابلة للتطبيق كمشروع ريادي يحل المشكلة و يحقق اثر مجتمعي و بنفس الوقت يحقق استدامة للمشروع. الريادة المجتمعية هو جديد نسبيا بدأنا نسمع به مؤخرا.

أشكال الريادة الاجتماعية

تقدم الريادة المجتمعية الخدمة بشكلين :

  1. خدمة مأجورة
  2. خدمة غير مأجورة

بهالمقال رح نحكي عن المشاريع الي تقدم الخدمة مجانا للمجتمع

تنطلق الريادة الاجتماعية من التحديات اللي بالمجتمع لتوجد حلول للمشكلات الاجتماعية و هي طبية البشر الخيرة و اللي بتدفع كتير من الناس لتقديم الخدمات و الحلول بشكل تطوعي لكن العمل التطوعي بيعتمد على التبرعات و المنح لتقديم الخدمات و الحلول للمجتمع ببلاش من دون تحقيق أي ربح مادي اما الريادة المجتمعية بتشتغل عالمبادئ التجارية و بتحقق أرباح لكن هي الأرباح لضمان استمرارية العمل و تحقيق الاستدامة

يعني بتقدم مفهوم جديد: لا تطوعَ خالصًا ولا عملَ تجاريًّا ربحيًّا محضًا

تنتج الريادة المجتمعية من الخلطة الثلاثية المجتمع + الاعمال + الريادة

بما انو هي ريادة فا لازم يكون في رائد و الرائد المجتمعي بيحتاج كل متطلبات النجاح اللي بيحتاجها رائد الاعمال حتى يطلق مشروع منتج و مبتكر إضافة لالتزامو بإيجاد حلول مجتمعية و مشروعو عم يستهدف جذر المشكلة ويهدف لصناعة تغيير مستدام و بيحتاج ل""هوس ""و صبر اضعاف رائد الاعمال لان عملية التنمية المجتمعية معقدة و ما بتمشي بخط مستقيم و فيها كتير عوائق و أحيانا ما بتطلع نتائجها بسرعة لانو التغييرات العميقة بالمجتمع تاخد وقت طويل

بيقول بيل درايتون مؤسس منظمة آشوكا اللي بيوصف الرائد الاجتماعي انو "" شخص لايعطي سمكة لمن يحتاجها و لا يكتفي بتعليمه الصيد بل يعمل نحو نهضة و تجديد في مجال الصيد بأكمله.

نموذج عمل مشاريع الريادة المجتمعية :

اختنا الشمس: بدأ هذا المشروع في من مجموعة من السيدات المبدعات اللي شافو انو كتير من دول افريقيا متل نيجيريا و اوغندا بيستعملو الكيروسين للانارة و هو الو كتير مخاطر لذلك قررو انشاء مشروع استخدام الطاقة الشمسية للانارة بدل الكيروسين هذا الشي حقق كتير فوائد و احدث فرق كبير في المجتمعات إضافة الى انو امن فرص عمل لعدد من السيدات ضمن المشروع .

مضخات اللعب PlayPumps:

هو اختراع بتكنولوجيا بسيطة اجا من حاجة الناس اللي بتعيش بصحراء افريقيا للمي

طلعت مؤسسة بفكرة تركيب مضخات تسحب المياه الجوفية من تحت الأرض للخزانات و لكن ميزة هي المضخات انها ما بتعتمد على الكهربا او أي مصدر طاقة هي تعتمد عاللعب

أي اللعب لان المضخة موصولة بلعبة دائرية متل اللي بيلعبو فيها الأطفال بالحدايق

فا لما يلعبو الأطفال باللعبة بيكونو عم يدورو المضخة اللي بدورها تسحب المي و تعبي الخزانات و لحتى تحقق استدامة مالية و تامن تكاليف الاستمرار عملت لوحات إعلانية عالخزانات العالية تبع المي و تاجر هي اللوحات و بتجيب أرباح تغطي تكاليف تشغيل المشروع

و غيرها من الافكار الكتيرة اللي بتبين النا كيف انو الريادة المجتمعية تطورت بشكل ملحوظ عالمستوى العملي و لكن عالمستوى النظري لسا

و كمان تعاني من الناحية القانونية من حالة الضياع بين المشاريع الربحية و الخدمة المجتمعية و بحاجة الى تعزيز شراكة المجتمعات المحلية و القطاعات الخاصة و الحكومية و منظمات المجتمع المدني لتعزيز دور الرواد المجتمعيين و تحفيز الشباب على ابتكار حلول تسرع من عملية التنمية المجتمعية

لقراءة الجزء الثاني من المقالة، الرابط